MUSIC FOR SALE

لہرا کے گیسوؤں کو مری جاں سائباں کر دے
مری محبتوں کو نہ یوں رائیگاں کر دے

کبھی تو حالِ دل پہ مرے مہرباں کر دے
جو دل میں چھپے راز ہیں اُن کو بیاں کر دے

اک دید کی خاطر جو بھٹکتے ہیں مدت سے
اُن بے قرار آنکھوں کو اب شادماں کر دے

مشتِ خاک ہوں ، تیرے رستے کی دھول کا
اک التفات کر، مجھے اوجِ آسماں کر دے

تھک ہار گئے ہم ان مصلحتوں کی چُپ سے
اب شوقِ جنوں کو مری داستاں کر دے

روکتا ہے زمانہ مجھے تیری سمت آنے سے
میری ان مشکلوں کو ذرا تو آساں کر دے

غمِ دوراں کے اندھیروں میں کھو نہ جائے قمر
حسن کے نور سے روشن مرا زماں کر دے

قمر نقوی