MUSIC FOR SALE

مر بھی گیا تو میرے گیت تو رہیں گے
مرنے کے بعد میرے پریت تو رہیں گے

شمع بجھے گی پھر بھی روشن رہے گی محفل
یادوں میں جلتے الفت کے دیپ تو رہیں گے

ہم کوچ کر بھی جائیں اس بزمِ رنگ و بو سے
دل میں بسے ہوئے مرے میت تو رہیں گے

مٹ جائے گی زمیں سے مری ذات کی نشانی
دنیا میں قائم میرے یہ ریت تو رہیں گے

مٹی میں مل کے بھی میرا رشتہ رہے گا قائم
تربت پہ میری یادوں کے سیت تو رہیں گے

دنیا مٹا نہ پائے گی میرے نقوشِ الفت
ہم ہار کر بھی دنیا سے جیت تو رہیں گے

خاموش ہو سکیں گے کب یہ قمر کے نغمے
بزمِ جہاں میں گونجتے سنگیت تو رہیں گے

قمر نقوی