MUSIC FOR SALE

حُسن کو دیکھ کر میں سنبھل جاتا تھا
زلفوں کے سائے تلے میں پگھل جاتا تھا

حُسن کی آگ پگھلا دیتی تھی موم کی طرح
حُسن کی آنچ میں میں یونہی ڈھل جاتا تھا

شَمعَ کی طرح جلتا تھا شب بھر وہ بدن
میں پتنگے کی طرح پاس ہی جل جاتا تھا

رنگِ رُخسار سے کھلتی تھیں بہاریں دل میں
وہ جو ہنستا تھا تو موسم ہی بدل جاتا تھا

اس کی مخمور نگاہوں کا اثر تھا ایسا
جام ہاتھوں سے میرے خود ہی پھسل جاتا تھا

گفتگو اس کی جگاتی تھی عجب اک جادو
بات کرتے ہی مرا ہوش سنبھل جاتا تھا

وہ چلی جب بھی صبا زلفِ پریشاں لے کر
دلِ ناداں میرا سینے سے نکل جاتا تھا

ایک ہی رات کی مہماں تھی محبت اپنی
صُبحَ ہوتے ہی وہ منظر ہی بدل جاتا تھا

تیرے اشعار میں جادو ہے کوئی اے قمر
تیری غزلیں جو سنتا تھا وہ مچل جاتا تھا

قمر نقوی